Abul Hasan Lakhani — Noha, Manqabat & Soz-o-Salaam lyrics in Urdu and Roman Urdu
Noha

Mara Hai Fatima Ko - Hasnain Abbas

Recited by Hasnain Abbas ·

Mara Hai Fatima Ko - Hasnain AbbasHasnain Abbas
Watch onYouTube

اردو

مارا ہے فاطمہؑ کو سب نے رُلا رُلا کر
زہراؑ کا دَر جلا کر زہراؑ پے دَر گرا کر

تُربت سے فاطمہؑ کی آتی یہی صدا ہے
پہلو سے ہاتھ میرا اب تک نہیں ہٹا ہے
مہدیؑ مجھے سنبھالو، غیبت سے جلد آ کر

دربار سے ضعیفہ گھر کی طرف چلی ہے
اللہ ہی جانتا ہے، کتنی دفعہ گری ہے
لائے ہیں اپنے گھر تک، حسنینؑ خود اُٹھا کر

ظالم کا تازیانہ جس ہاتھ پر لگا ہے
وہ ہاتھ فاطمہؑ کا، اُٹھ ہی نہیں رہا ہے
پڑھتی ہیں اب نمازیں، اک ہاتھ ہی اُٹھا کر

پہلو میں درد اِتنا ہے کہ تڑپ رہی ہے
چلنا بھی اب ہے مشکل، اُٹھ اُٹھ کے گر رہی ہے
چلتی ہے ایک شانہ، دیوار سے لگا کر

کہہ کے یتیم خود کو شبیرؑ جبکہ روئے
دو ہاتھ فاطمہؑ کے، بندھے کفن سے نکلے
سینے پے روئی اپنے، شبیرؑ کو سُلا کر

ہائے منظر بڑا کٹھن تھا جس دم لگا طمانچہ
سرِ بنتِ مصطفیٰؐ کا، دیوار سے لگا تھا
منہ پیٹتے تھے حیدرؑ، آنکھوں سے خوں بہا کر

ہلنے لگا نبیؐ کا اُس دم مزار آسیؔ
زہراؑ لحد پہ آ کر، رو رو کے جب پُکاری
چہرے کے نیل دیکھو، بابا رِدا ہٹا کر

شاعر: محمد ارتضیٰ آسی

Roman Urdu

Maara hai Fatimaؑ ko sab ne rula rula kar
Zehraؑ ka dar jala kar Zehraؑ pe dar gira kar

Turbat se Fatimaؑ ki aati yehi sada hai
Pehlu se haath mera ab tak nahi hata hai
Mehdiؑ mujhe sambhaalo, ghaibat se jald aa kar

Darbaar se zaeefa ghar ki taraf chali hai
Allah hi jaanta hai, kitni dafa giri hai
Laaye hain apne ghar tak, Hasnainؑ khud utha kar

Zaalim ka taaziyana jis haath par laga hai
Woh haath Fatimaؑ ka, uth hi nahi raha hai
Parhti hain ab namaazein, ik haath hi utha kar

Pehlu mein dard itna hai ke tarap rahi hai
Chalna bhi ab hai mushkil, uth uth ke gir rahi hai
Chalti hai aik shaana, deewaar se laga kar

Keh ke yateem khud ko Shabbirؑ jabke roye
Do haath Fatimaؑ ke, bandhe kafan se nikle
Seene pe royi apne, Shabbirؑ ko sula kar

Haaye manzar bara kathin tha jis dam laga tamaancha
Sar-e-bint-e-Mustafaؐ ka, deewaar se laga tha
Munh peet-te the Haiderؑ, aankhon se khoon baha kar

Hilne laga Nabiؐ ka us dam mazaar Aasiؔ
Zehraؑ lahad pe aa kar, ro ro ke jab pukaari
Chehre ke neel dekho, baba rida hata kar

Shayar: Muhammad Irtaza Aasi

Ayyaam-e-FatimiyaUstad Akbar AbbasMuhammad Irtaza AasiSonu MonuBibi Fatima S.A

Spotted a mistake in this kalaam — a wrong line, reciter or spelling? Suggest a correction

Related Kalaam