Abul Hasan Lakhani — Noha, Manqabat & Soz-o-Salaam lyrics in Urdu and Roman Urdu
Manqabat

Ya Ali Kehne Ke Baad

Recited by Mir Hasan Mir ·

Ya Ali Kehne Ke BaadMir Hasan Mir
Watch onYouTube

اردو

یا علیؑ کہنے کے بعد

مِل گئی تُجھ کو خُدائی یا علیؑ کہنے کے بعد
ہاں یہی ہوتا ہے بھائی یا علیؑ کہنے کے بعد

جامِ کوثر لے لیا فردوس میں گھر لے لیا
اِس قدر دولت کمائی یا علیؑ کہنے کے بعد

حاجیوں کو غازیوں کو خُم میں صہبائے وِلا
خود محمدؐ نے پلائی یا علیؑ کہنے کے بعد

میں نے پوچھا کامیابی کی سند مِلتی ہے کب
عرش سے آواز آئی یا علیؑ کہنے کے بعد

میں یہاں زندہ رہا تو کیا ہوئی حیرت کی بات
کب کسی کو موت آئی یا علیؑ کہنے کے بعد

اے مُسلماں آ گلے مِل تو بھی مومن ہو گیا
کیسا جھگڑا کیا لڑائی یا علیؑ کہنے کے بعد

موت سے اِک روز پنجہ آزمائی ہو گئی
توڑ دی میں نے کلائی یا علیؑ کہنے کے بعد

قلبِ ابوذرؓ کی طرح حُرؑ کے مُقدر کی طرح
روشنی گوؔہر نے پائی یا علیؑ کہنے کے بعد

شاعر: گوہر جارچوی

Roman Urdu

Ya Aliؑ Kehne Ke Baad

Mil gayi tujh ko khudai ya Aliؑ kehne ke baad
Haan yehi hota hai bhai ya Aliؑ kehne ke baad

Jaam-e-kausar le liya firdaus mein ghar le liya
Is qadar daulat kamai ya Aliؑ kehne ke baad

Haajiyon ko ghaaziyon ko khum mein sehbaa-e-wila
Khud Muhammadؐ ne pilai ya Aliؑ kehne ke baad

Main ne poocha kaamyabi ki sanad milti hai kab
Arsh se aawaaz aayi ya Aliؑ kehne ke baad

Main yahaan zinda raha to kya hui hairat ki baat
Kab kisi ko maut aayi ya Aliؑ kehne ke baad

Aye Musalmaan aa gale mil tu bhi momin ho gaya
Kaisa jhagra kya larai ya Aliؑ kehne ke baad

Maut se ik roz panja aazmai ho gayi
Tor di main ne kalai ya Aliؑ kehne ke baad

Qalb-e-Abuzarؓ ki tarah Hurؑ ke muqaddar ki tarah
Roshni Gohar ne paai ya Aliؑ kehne ke baad

Shayar: Gohar Jarchavi

Gohar JarchawiMola Ali A.S13th RajabUrdu Writeup2001-02

Spotted a mistake in this kalaam — a wrong line, reciter or spelling? Suggest a correction

Related Kalaam